足球竞技

富咸搏命平手盤要撐

2021-03-19 10:58:45 来源:网络

列斯聯愈踢愈沉
周六凌晨英超獨腳戲,富咸主場誓擒列斯聯!富咸近排頻頻搶分成功,只同尾4嘅紐卡素相差2分,護級現曙光,相反列斯聯愈踢愈沉,近6場輸4場,而且近3戰零入球,富咸近7次喺卡雲農舍球場鬥列斯聯獲4勝2和,加上列斯聯作客倫敦球會例牌腳軟,今季5場全部輸晒,平手盤撐硬富咸。

(Now 621周六凌晨4時直播)

兩支升班球隊今季表現完全唔同,富咸開季唔掂,但慢慢適應英超節奏,雖然排名一直排於尾3,但近期接連搶分成功,包括作客擊敗利物浦,與其餘中下游球隊距離愈來愈近,只分別落後紐卡素及白禮頓2分及3分,只要維持呢個走勢,隨時有機會護級成功。

列斯聯季初一鳴驚人,瘋狂嘅進攻足球一時嚇窒列強,不過經過漫長球季,已經畀人摸熟晒路,近6場輸4場,呢6場首席射手班福特只係入得1球,搞到球隊近3戰零入波,近況慘不忍睹。

列斯聯訪倫敦例冇運行
兩支老對手交手數據就梗係多,雖然今季首循環列斯聯主場以4比3擊敗富咸,但其實富咸喺主場一向剋住列斯聯,近7次喺卡雲農舍球場交手獲4勝2和1負,而且列斯聯又特別怕作客倫敦,今季作客水晶宮、車路士、熱刺、阿仙奴同韋斯咸全部敗陣,今場富咸睇嚟可以秤高啲,平手盤真係幾抵玩。